Ish-deputeti i PD, Klevis Balliu ka komentuar në studion e Panorama TV, rastin e paprecedentë të nepotizmit që dëshmon qartazi kapjen e drejtësisë shqiptare nga qeveria.
Balliu u shpreh se nuk ekziston në asnjë vend të botës që një ministre të votojë në Parlament që motra e vet të vendosi gjyqtarët, rasti i zv.kryeministes Belinda Balluku, e cila vendosi që Pamela Qirko të ishte në krye të KPK-së.
“Këtu ligji nuk funksionon. Ku ka në vend të botës që një ministre të votojë në Parlament që motra e vet të vendosi gjyqtarët. Belinda Balluku vendos në Parlament që Pamela, motra e vet të zgjidhjet kryetare e KPK. Kujt t’ia çoj aferën e rrugës së Arbrit gjyqtares që ka caktuar motra e ministres që e ka bërë rrugën e Arbrit, apo Qukës -Qafë Plloçë. Këta gjyqtarë që dhanë vendimin e turpshëm dhe antidemokratik, kriminal për pluralizmin a dolën nga zyra e Pamelës, nga vetting-et e Pamelës. Nuk pres nga ata unë”, tha ai.